martes, 1 de marzo de 2016

O CINE NAZI


Leni Riefenstahl con Goebbels

Ao poco de subir Hitler ao poder, Goebbels, o ministro de Propaganda do Terceiro Reich , converteu o cine na nena mimada do réxime. Houbo unha auténtica desbandada en 1933 de actores e directores xudeus o que puxo de manifesto a súa grande aportación ao cine xermano ata entón. Pero Goebbels insistiu en crear un cine de propaganda que transmitira consignas e instrucción saos cineastas. A pesares de todos os esforzos non máis dunha dúcia de películas escapan ao ridículo. O máis colosal monumento do cine alemán adicado a gloria do Terceiro reich foi o documental Triumph des Willens (1936) de Leni Riefenstahl, amiga persoal de Hitler que dispuxo de enormes medios e dous anos de rodaxe. O resultado foi un apabullante documento de máis de dúas horas destinado a conmemorar o Congreso do Partido Nacionalsocialista celebrado en Nuremberg e que nos fai evoca o mundo novo de Fritz Lang en Metrópolis. Son imaxes grandilocuentes, de inspiración bíblica e en ocasións, impresionantes.
Hitler e Leni Riefenstahl

Outro documental , Olímpiada, de 1936, Riefenstahl realizou un esforzo técnico  sen precedentes no cine alemán: 35 cámaras, algunhas ao nivel do chan, outras en globo, todo feito para homenajear os IX Xogos Olímpicos celebrados en Berlín en 1936. É un canto ao Corpo e a beleza humanos. Mistura primeiros planos.
feitos con longos teleobxectivos que permiten captar detalles e xestos do público e ata do Führer, con planos xerais . Recorreu a simetría  e a cámara lenta. Captaba aos atletas como se foran deuses do olimpo gregotamén recolle o excepcional triunfo do atleta negro Jesse Owens nunhas olimpíadas marcadas polo exacerbado racismo do nazismo.






Ningún cineasta alemán será capaz de superar a solemnidade épica de Leni Riefenstahl. Ela pagou cara a colaboración có réxime nazi . foi acusada de utilizar prisioneiros de campos de concentración nalgún documental aínda que ela o neou.Despois da caída do réxime traballou en documentais , fixo deportes de risco e tivo unha vida de aventuras pero a meca do cine foille vetada e mesmo en Alemaña tivo moitas dificultades para traballar. Morreu con 101 anos en 2003.

No hay comentarios:

Publicar un comentario en la entrada