lunes, 18 de enero de 2016

O CINE ENTRE 1928-1945: O CINE DE GÁNGSTERS


O cine de gángsters
As películas de gángsters fascinaban case tanto ao público como as de terror pero éste é un xénero genuinamente americano consolidado cara 1930 cós seus propios temas, tramas, estrelas e imaxes. Ten orixe na Lei Seca que estivo vixente entre 1920 e 1933 e que supuxo a creación dunha mafia de contrabando de alcohol en cidades como Chicago ou Nova Iorque, a mans de gángsters de orixe italiano ou irlandés.

A primeira película do xénero foi Little Caesar, de Mervyn LeRoy, 1930 na que Edward G.Robinson interpreta a un gángster italiano  de xeito brillante. 
Edward G. Robinson en Little Caesar

Ao ano seguinte The Public Enemy interpretada por James Cagney e dirixida por William Wellman é máis violenta aínda que a anterior no que o protagonista , ao non carecer de encanto e ser tratado con certa indulgencia, xerou un debate na sociedade estadounidense. 

Outras constantes no cine de gángsters foron a fe católica, os dramas familiares e os valores da familia. Cuarenta anos máis tarde a visión máis célebre e sombría do mundo da hampa continuaría esa tradición ;foi a triloxía de O Padriño de Francis Ford Coppola.
Howard Hawks en 1932 dirixiu Scarface: Shame of a Nation, a película do xénero máis interesante da época. É a máis innovadora polo uso expresionista de símbolos e da iluminación. Recrea feitos reais como a matanza de San Valentín, con rigor periodístico.


En tres anos fixéronse 70 películas do xénero en Hollywood que tivo moita influencia no cine británico, francés e xaponés dos anos 40, 50 e 60.

Tras a primeira etapa do cine de gángsters, a corrupción do poder pasou a ser o tema principal deste cine. Os directores retrataron aos personaxes como heroes existenciais, fascistas, víctimas da sociedade, hedonistas etc.

No hay comentarios:

Publicar un comentario en la entrada